شرائط و ضوابط

آپ (صارف) سے آپ کے اپنے صارف آئی ڈی اور پاس ورڈ کے انتخاب کیلئے بینک صارف آئی ڈی اور پاس ورڈ پالیسی کے مطابق پوچھا جائے گا۔ صارف آئی ڈی اور پاس ورڈ دونوں کو آپ کی شناخت کیلئے جب بھی آپ انٹرنیٹ بینکنگ سروس تک رسائی حاصل کریں گے استعمال کیا جائے گا۔ آپ اس امر کو یقینی بنائیں گے کہ آپ بذاتِ خود ‘’کے ایم بی ایل‘‘انٹرنیٹ بینکنگ سروس کے ذریعے اپنے اکاؤنٹس تک رسائی، استعمال اوراُن سے متعلق ہدایات جاری کریں گے۔ مشترکہ اکاؤنٹس کی صورت میں بنیادی (Primary) صارف کو یہ اختیار حاصل نہیں ہے کہ وہ کسی بھی وقت ثانوی صارف کو اپنا پاس ورڈ دے۔

1-’’کے ایم بی ایل‘‘آپ کو تجویز کرتا ہے کہ آپ اپنا پاس ورڈ باقاعدگی سے تبدیل کریں(نو ّے (90) دنوں میں کم از کم ایک مرتبہ) اور ایسا اُس وقت ضرور کریں جب’’کے ایم بی ایل‘‘انٹرنیٹ بینکنگ سروس آپ کو ایسا کرنے کی ہدایت دے اورآپ کو پہلے سے استعمال شدہ پاس ورڈ کا انتخاب نہیں کرنا چاہیے۔

2- 2نئے پاس ورڈ کے انتخاب کے دوران آپ کسی ایسے پاس ورڈ کے انتخاب سے اجتناب کریں گے جس کا اندازہ کوئی بھی شخص آسانی سے لگا کر آپ کی’’کے ایم بی ایل‘‘انٹرنیٹ بینکنگ سروس تک رسائی حاصل کرلے۔ مثال کے طور پر،آپ اپنے یا اپنے کسی رشتہ دار کی تاریخ پیدائش، پالتو جانور کے نام، ملازمت کا آئی- ڈی کارڈ، رجسٹریشن نمبر یا ٹیلیفون نمبر کے حصوں کا انتخاب نہ کریں۔

3- آپ اپنے پاس ورڈ کی بروقت حفاظت کو یقینی بنانے کیلئے تمام ممکن اور معقول انتظامات بروکار لائیں

4- آپ اپنے کوائف یا ان سے متعلق تفصیلات کسی کو نہ دیں۔’’کے ایم بی ایل‘‘میں ملازمت کرنے والے کسی شخص یا کسی بھی ایسے شخص کو جو انٹرنیٹ بینکنگ سروس سے متعلق آپ کو کوئی تکنیکی معاونت فراہم کر رہا ہو،اس سے بھی ایسی کوئی معلومات یا تفصیلات کا تبادلہ نہ کریں۔

5- اگر آپ کو معلوم ہو جائے یا آپ کو شک ہو کہ آپ کا پاس ورڈ یا اس کے کسی حصّہ کا کسی دیگر شخص کو ادراک ہوگیا ہے۔ تو آپ فوراً اپنا ’’کے ایم بی ایل‘‘انٹرنیٹ بینکنگ پاس ورڈ تبدیل کریں اگر تبدیل کرنا ناممکن ہو تو آپ فوراً’’کے ایم بی ایل‘‘ کو فون نمبر 051-111-047-047 (یا کسی بھی دوسرے نمبر جو’’کے ایم بی ایل‘‘ وقتاً فوقتاً فراہم کرتا ہے) اس پر آگاہ کریں اس کے بعد،’’کے ایم بی ایل‘‘انٹرنیٹ بینکنگ سروس معطل کر دی جائے گی اُس وقت تک انٹرنیٹ بینکنگ سروس کی دوبارہ بحالی کے بعد نیا پاس ورڈ نہ بن جائے۔

6- آپ اس امر کو قابلِ یقین بنانے کیلئے ایسے تمام ممکن ضروری اقدامات بروکار لائیں گے جو آپ کے سسٹم کو کمپیو ٹر وائرس یا اس سے مماثل سافٹ وئیر جسے ٹروجن ہارسز اور وارمز (ایک ساتھ ’’وائرسز‘‘) سے رسائی محفوظ رکھیں۔ اور ہر طرح سے سسٹم کی سکیورٹی کو یقینی بنائیں۔

7- آپ اپنے اینٹی وائرس کو اَپ ڈیٹڈرکھیں اور اس امر کو یقینی بنائیں کہ آپ کے سسٹم کا فائروال فعال حالت میں ہے۔

8- آپ کو اپنے سکیورٹی کوڈ کو اس طرح محفوظ نہیں رکھناچاہیے کہ کوئی بھی شخص آپ کے سکیورٹی کوڈتک پہنچ سکے ۔

9- آپ اس بات سے متّفق ہیں کہ بینک اپنی صوابدید پر آپ کی ٹیلی فونک گفتگو جو بینک کے مجاز نمائندے سےہوتی ہے، کو ریکارڈ کرے کسی بھی خاص مقصد کیلئے جس میں عدالت مجاز میں ثبوت کے طور پر استعمال کرے۔آپ کی جانب سے فراہم کردہ آپ کا پتہ’’کے ایم بی ایل‘‘ سسٹم میں موجود آپ کے پتے سے مطابقت نہیں رکھتا توکال بیک کا عمل تصدیق و توثیق کیلئے موجود ہے۔

10- آپ اس امر سے بھی متّفق ہیں کہ بینک اس بات کا مجاز ہے کہ وہ ملکی قوانین کے مطابق مجاز حکام، قانون نافذ کرنے والے اِداروں کے طلب کرنے پر آپ کی ذاتی معلومات (پی 11،اکاؤنٹ یا انٹرنیٹ/موبائل بینکنگ سے متعلق معلومات) اُن کو فراہم کرے۔

11- آپ ہرگز سروس تک رسائی کسی ایسے ڈیوائس جو مقامی (لوکل) ایریا نیٹ ورک ( یا ایل اے این) جیسا کہ دفتری استعمال کا نیٹ ورک سے منسلک ہو، اُس وقت تک نہیں کریں گے جب تک آپ اس بات کا یقین نہ کر لیں کہ کوئی اور شخص آپ کی سروس سے متعلق رسائی کامشاہدہ یانقل یاآپ کی جگہ استعمال نہیں کرر ہا۔

12- ’’کے ایم بی ایل‘‘کسی اور کی جانب سے آپ کے پاس ورڈ کے غلط استعمال کیلئے جواب دہ نہیں ہوگا کہ وہ آپ کی طرف سے بظاہر آنے والی غیر مجاز ہدایات فراہم کرے بشرطیکہ آپ’’کے ایم بی ایلــ‘‘ کو مطمئن کیے جانے کی حد تک ثابت کر دیں کہ وہ آپ ہی ہیں؛

13- غیر مجاز استعمال کی وجہ سے تمام نقصانات اور اخراجات کیلئے آپ ہی کو ذمّے دار ٹھہرایا جائے گا اگر آپ نے دھوکہ دہی/جعل سازی یا بڑی غفلت کا مظاہرہ کیا ہے، جان بوجھ کر برُا برتاؤ کیا ہے یا آپ حفاظتی فرائض میں سے کسی میں بھی قصور وار ہیں۔

14- صارف خفیہ نوعیت کی تمام معلومات کی راز داری برقرار رکھے گا اور اِس بات کو یقینی بنائے گا کہ اِسے کسی اور فرد پر رضا کارانہ طور پر، حادثاتی طور پر یا غلطی سے ظاہر نہیں کرے گا۔

15- انٹرنیٹ بینکنگ کے استعمال کیلئے’’کے ایم بی ایل‘‘ کو فراہم کردہ معلومات کی درستگی کا ذمّے دارصارف ہوگا۔’’کے ایم بی ایل‘‘ کسی بھی تنائج کیلئے ذمّے داری کو قبول نہیں کرے گا چاہے وہ صارف کی جانب سے فراہم کردہ غلط معلومات کا نتیجہ ہو یا کوئی اور معاملہ ہو۔

16- انٹرنیٹ کئی فراڈ (دھوکہ)،غلط استعمال، اسکیمنگ، ہیکنگ اور دیگر عمل سےاثر پذیرہے جس سے لین دین (ٹرانزیکشن) متاثر ہو سکتا ہے۔ بینک اس کو روکنے کیلئے تحفّظ فراہم کرنے کا عزم رکھتا ہے، لیکن ایسے انٹرنیٹ فراڈز، غلط استعمال، اسکمینگ، ہیکنگ اور دیگر عمل کہ جس سے رقوم کی منتقلی یا کوئی اور ادائیگیاں متاثر ہو سکتی ہیں کی ضمانت نہیں دی جا سکتی۔ صارف بینک کو علیحدہ سے ایسے تمام اور دیگر خطرات جو ایسی چیزوں کے نتیجے میں واقع ہو سکتے ہیں مامون و محفوظ قرار دے گا۔

17- آپ متّفق ہیں کہ آپ جوپاس ورڈ استعمال کرتے ہیں اِس سے ہونے والے تمام سرگرمیوں کیلئے آپ ہی ذمّے دار ہوں گے چاہے وہ فرد آپ ہو یا کوئی اورجو ایسی سرگرمیوںکو انجام دیتاہو۔

18- آپ کوئی سافٹ وئیر یا طریقہ کار استعمال نہیں کرسکتے جوکہ انٹرنیٹ بینکنگ یا اِس سے متعلق کسی لین دین میں مداخلت کرے یا مداخلت کرنے کی کوشش کرے۔

19- آپ تسلیم کرتے ہیں کہ انٹرنیٹ پر مبنی مراسلات مکمل طور پر محفوظ نہیں ہے اور بہترین کوششوں کے باوجود غیر مجاز رسائی اور ہیکنگ، اسکیمنگ کے خطرات باقی رہتے ہیں، لہٰذابینک تیسری پارٹی کے ذریعے انٹرنیٹ بینکنگ پر غیر مجاز حملہ یا اعداد و شماری میں بد عنوانی کی کوئی ذمّے داری قبول نہیں کرتاہے۔

20- اِس انٹرنیٹ بینکنگ میں کسی بھی چیز کی ترجمانی کسی سرمایہ کاری سے متعلق دعوت نامہ یا پیش کش یا دیگر لین دین میں مشغول ہونے کی وجہ سے نہیں کی جانی چاہیے ۔بینک کسی بھی سائبر لِنکڈ سائٹس سے متعلق معلومات یا مواصلات انٹرنیٹ بینکنگ کی مندرجات کے استعمال میں کسی خطرے یا ذمّے داری کو قبول نہیں کرتا۔

21- انٹرنیٹ بینکنگ کی تمام مشتملات بشمول انٹرنیٹ بینکنگ کے اندر موجود مضامین و مشتملات، جیسے متن، گرافکس، آئیکنز، امیجز (تصاویر) اور سافٹ وئیر (’’مواد‘‘) بینک کی خاص ملکیت ہیں اور بینک کو اختیار ہے کہ وہ صرف آپ کے اپنے استعمال کیلئے اس انٹرنیٹ بینکنگ کے مواد کو ملاحظہ کرے اور ڈاؤن لوڈ کرلے۔ مواد کو کسی بھی طور پر بدلا نہیں جا سکتا یا از سرِ نو تشکیل یا ظاہر یا کسی عوامی یا تجارتی غرض سے استعمال نہیں کیا جا سکتا ہے۔ ٹریڈ مارکس، سائٹ مارکس اور لوگوز جو کہ انٹرنیٹ بینکنگ پر استعمال کیے گئے اور دکھائے گئے ہیں وہ بینک کی ملکیت ہیں، انٹرنیٹ بینکنگ پر بینک کی اجازت کے بغیر لوگوز یا سائٹ مارکس ،مارک استعمال کرنے کا حق یا کوئی لائسنس ودیعت کیے جانے کے طور پر تصوّر نہیں کیا جائے گا۔

22- آپ بذریعہ ہٰذا بینک سے درخواست کرتے ہیں کہ وہ آپ کی انٹرنیٹ/موبائل بینکنگ سروسز فعال کرے اور آپ مزید اتّفاق کرتے ہوئے بینک کو اختیار دیتے ہیں کہ وہ آپ کی انٹرنیٹ/موبائل بینکنگ سروسز آپ کی درخواست کے مطابق فعال کرے۔

23- آپ’’کے ایم بی ایل‘‘ کے انٹرنیٹ/موبائل چینل اپنی ذاتی رضا مندی اور خطرے کے ساتھ درج ذیل الیکٹرانک فنڈز ٹرانسفر سروسز انجام دینے سے بھی اتّفاق کرتے ہیں :

(i) انٹرنل فنڈز ٹرانسفر

(ii) انٹر بینک فنڈز ٹرانسفرز

(iii) بل پیمنٹس